ليه الناس بتتغير ؟؟
ليه بلاقى كتير من اللى بعرفهم بيتغيروا ؟؟
ليه بحس ان كتير منهم مش هم اللى عرفتهم و لا هم اللى بحبهم زى ماهم بحسناتهم وعيوبهم ؟
مش بقصد ان الناس بتتغير للأسوأ و لا للأحسن , بقصد انى بلاقى بعد فتره انهم غير ماعرفتهم؟
هو العيب فيا أنا ؟ هل أنا معرفتهمش كويس و بالتالى حكمى عليهم مكانش واضح جوايا و بالتالى مكانش سليم ؟
و للا أنا اللى مش فاهم الدنيا ماشيه ازاى و ان التغيير دا عادى فى الحياه و ان الزمن بقى سريع و أنا اللى بطئ ؟
بحزن كتير لما بكتشف انى فهمت غلط
بزعل على نفسى أو من نفسى لما بحط انسان جوايا و أفتكر انه زى ماهو جوايا أنا كمان أكيد جواه و بعد فتره ألاقى انى لا جواه و لا حتى براه
قالولى كتير ان محدش بيدى كل حاجه فى الزمن ده , و ان اللى بيعمل كده بقى بيتقال عليه عبيط
يبقى السؤال : هو أنا عبيط أو مبفهمش أو مبحسش مظبوط أو كل دول مع بعض ؟؟؟
اجابتى لقيتها واضحه جوايا
صحيح زى ما قلت بحزن و بزعل , لكن برضه برغم كل ده مش حتغير
أنا زى ما أنا .. عاجبنى ..[b]
موضوع: ليه الناس بتتغير ؟؟ 
الأحد أبريل 01, 2012 11:30 pm
